Nigeriyanın Katsina əyalətində silahlı hücum: 20 ölü
Bakı, 7 noyabr, AZƏRTAC
Qərbi Afrika ölkələrindən olan Nigeriyanın Katsina əyalətində baş verən silahlı hücumda 20 nəfər həyatını itirib.
AZƏRTAC yerli mətbuata istinadla xəbər verir ki, silahlı şəxslər Katsina əyalətinin Musava rayonunda Mövlud şənliyinə toplaşan insanlara atəş açıblar.
Katsina polisinin sözçüsü Abubakar Sadiq Aliyu hücumu təsdiqləyib və nəticədə 20 nəfərin həyatını itirdiyini, 18 nəfərin isə yaralandığını bildirib.
Qeyd edək ki, son zamanlar Nigeriyanın müxtəlif bölgələrində silahlı dəstələrlə yanaşı, terror təşkilatları da yaşayır. Ölkə “Boko Haram” və ISWAP-ın hücumları ilə üzləşir.
Bölmənin digər xəbərləri
