OKTYABRDA BAKIDA ŞİMAL-CƏNUB BEYNƏLXALQ NƏQLİYYAT DƏHLİZİNİN REALLAŞMASI İLƏ BAĞLI TƏDBİR KEÇİRİLƏCƏKDİR
AZƏRTAC xəbər verir ki, oktyabrın 7-8-də Bakıda Azərbaycan, Rusiya və İran dəmir yolu idarələri rəhbərlərinin görüşü keçiriləcəkdir.
Azərbaycan Dövlət Dəmir Yolundan (ADDY) bildirmişlər ki, görüşdə dəmir yollarının rəhbərləri Şimal-Cənub nəqliyyat dəhlizi layihəsi üzrə işçi qrup tərəfindən görülmüş işlər, hazırlanmış sənədlərlə tanış olacaqlar.
İclasda, həmçinin “Rusiya Dəmir Yolları” ASC-nin işlərin sürətləndirilməsi üçün layihə ilə bağlı təqdim etdiyi “Birgə əməkdaşlıq konsepsiyası”nın biznes-planına, dəmir yolunun tikintisini və istismarını həyata keçirəcək müəssisənin yaradılması məsələsinə baxılacaqdır.
Bölmənin digər xəbərləri
