ÖLKƏMİZİN BELARUSDAKI SƏFİRLİYİNDƏ QARŞIDAN GƏLƏN AZƏRBAYCAN PREZİDENTİ SEÇKİLƏRİNƏ HƏSR EDİLMİŞ MÜŞAVİRƏ KEÇİRİLMİŞDİR
AZƏRTAC-ın xüsusi müxbiri xəbər verir ki, ölkəmizin Belarusdakı səfirliyində qarşıdan gələn Azərbaycan prezidenti seçkilərinə hazırlıqla bağlı geniş müşavirə keçirilmişdir. Tədbirdə səfirliyin əməkdaşları, Azərbaycan Mərkəzi Seçki Komissiyasının (MSK) üzvü Tofiq Həsənov, Belarusun bütün bölgələrindən diasporumuzun nümayəndələri iştirak etmişlər.
Səfir Əli Nağıyev ulu öndər Heydər Əliyev xəttinə sadiq olan müasir Azərbaycanın inkişafının dəqiq və hərtərəfli mənzərəsini verərək bildirmişdir ki, ölkəmiz məhz bu siyasət nəticəsində ÜDM-in artım sürətinə görə dalbadal üç il dünyada lider olmuşdur. Son illər respublikada 650 min iş yeri açılmışdır.
Səfirliyin müşaviri, diplomatik nümayəndəlikdəki seçki məntəqəsinin sədri Asya Manafova tədbir iştirakçılarını seçki komissiyasının üzvləri və seçkilərin keçirilməsi qaydaları və şərtləri ilə tanış etmişdir.
Tədbirdə MSK-nın nümayəndəsi T.Quliyev, Azərbaycan İcmaları Konqresinin sədri N.Bağırov, “Qobustan” İctimai Birliyinin sədri B.Qənbərov da çıxış etmişlər.
Bölmənin digər xəbərləri
