Ölkəyə qanunsuz yolla gətirilən siqaretlər aşkarlanıb
Bakı, 4 fevral, AZƏRTAC
Ölkəyə qanunsuz yolla gətirilən siqaretlər aşkarlanıb.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında “Qırmızı Körpü” gömrük postunda Gürcüstandan “Hyundai Elantra” markalı minik maşını ilə gələn Azərbaycan vətəndaşı saxlanılıb və şifahi sorğu-sual olunub. Sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib. Avtomobilə gömrük baxışı zamanı nəqliyyat vasitəsinin yük yerində 2000 ədəd “Marlboro” markalı siqaret və üzərlərində “Expansion 2 TB”, “Expansion 1 TB” yazılan 10 ədəd kompüter yaddaş qurğusu aşkarlanıb.
Faktla bağlı araşdırma aparılır.
Bölmənin digər xəbərləri
