OMBUDSMAN AŞPA-NIN MƏRUZƏÇİSİ İLƏ GÖRÜŞMÜŞDÜR
Ombudsman Aparatından AZƏRTAC-a bildirmişlər ki, görüş zamanı müvəkkil gender bərabərliyi məsələsinin cəmiyyətdə insan hüquqlarının təmin olunmasında əsas meyarlardan biri olduğunu bildirmiş, ombudsmanın təşəbbüsü ilə ölkədə gender problemlərinin bir neçə dəfə müzakirə olunduğunu vurğulamışdır. O, əhalinin yarısından çoxunu təşkil edən qadınların kişilərlə eyni hüquqlara malik olmalarının Azərbaycan qanunvericiliyində əksini tapdığını diqqətə çatdırmışdır.
Ombudsman qadınların ölkənin ictimai-siyasi həyatında fəal iştirakından danışmış, Ermənistanın Azərbaycana təcavüzü nəticəsində soydaşlarımızın, o cümlədən qadınların hüquqlarının kütləvi şəkildə pozulması, əsir və girov saxlanılanların acı taleyi barədə ətraflı məlumat vermişdir.
Qonaq müfəssəl məlumata və fikir mübadiləsinə görə təşəkkürünü bildirmişdir.
Görüşdə AŞPA-dakı Azərbaycan nümayəndə heyətinin üzvü, Milli Məclisin deputatı Elmira Axundova, AŞPA katibliyinin əməkdaşı Yannik Devu iştirak etmişlər.
Bölmənin digər xəbərləri
