OMBUDSMANLAR ƏMƏKDAŞLIQ HAQQINDA İKİTƏRƏFLİ SAZİŞ İMZALAMIŞLAR
Sənəddə Azərbaycan və Ukrayna ombudsman təsisatlarının Azərbaycan vətəndaşlarının Ukrayna ərazisində və Ukrayna vətəndaşlarının Azərbaycan ərazisində hüquq və azadlıqlarının pozulması halları barədə bir-birini vaxtında məlumatlandırması və onların bərpa edilməsinə öz səlahiyyətləri daxilində yardım göstərilməsi nəzərdə tutulmuşdur.
Sazişə əsasən Azərbaycan Respublikası İnsan Hüquqları üzrə Müvəkkilinin (Ombudsman) Aparatı və Ukrayna Ali Radasının İnsan Hüquqları üzrə Müvəkkilinin təsisatı vaxtaşırı təcrübə və fikir mübadiləsi aparacaq, maarifləndirmə məqsədi ilə birgə konfranslar, dəyirmi masalar, seminarlar, məşğələlər keçirəcək, beynəlxalq konvensiyaların və milli qanunvericiliyin insan hüquqları və azadlıqlarına əməl edilməsi baxımından təhlil olunması və təkmilləşdirilməsi üzrə əməkdaşlıq edəcəklər.
Bölmənin digər xəbərləri
