Ordum varsa, yurdum var!
Bakı, 27 iyun, AZƏRTAC
Azərbaycan Silahlı Qüvvələrinin yaranmasının 100 illiyi münasibətilə Qazax Mərkəzi Kitabxanasında “Açıq kitabxana” layihəsi çərçivəsində “Ordum varsa, yurdum var” devizi altında səyyar kitabxana xidməti təşkil edilib.
AZƏRTAC xəbər verir ki, mədəniyyət mərkəzinin qarşısında təşkil olunan sərgidə Milli Ordu quruculuğuna, Xalq Cümhuriyyəti dövründə nizami ordunun formalaşdırılması istiqamətində görülən işləri əks etdirən kitablar, ümummilli lider Heydər Əliyevin bu sahədəki misilsiz xidmətlərinə dair materiallar nümayiş etdirilib.
Sərgi ilə tanışlıq zamanı oxucular bir daha əmin olublar ki, Ali Baş Komandan İlham Əliyevin rəhbərliyi ilə dinamik iqtisadi inkişaf edən Azərbaycan bu gün regionda ən güclü orduya malikdir. Azərbaycan Ordusu dünyanın ən yaxşı təchiz olunmuş və döyüş qabiliyyətli 50 ordusu sırasına daxil olub.
Mərkəzi kitabxananın uşaq şöbəsi tərəfindən təşkil olunan “Qüdrətli Milli Ordu - qüdrətli dövlət” adlı sərgi böyük maraqla qarşılanıb. Tədbirdə, həmçinin Yuxarı Salahlı kənd 1 və 2 saylı kitabxanaların filiallarının nümayəndələrinin “Ordum varsa, yurdum var!” adlı məruzələri dinlənilib.
Bölmənin digər xəbərləri
