ORENBURQ VİLAYƏTİNİN HÖKUMƏTİ VƏ REGİONAL MÜSƏLMAN İDARƏSİ NİYYƏT PROTOKOLU İMZALAMIŞLAR
Sənəddə dövlət orqanları ilə islam nümayəndələri arasında vətəndaşların əxlaqi-mənəvi və vətənpərvərlik tərbiyəsinin təşkilində qarşılıqlı fəaliyyətin daha da inkişaf etdirilməsi nəzərdə tutulur. Protokolda birgə layihələrin işlənib hazırlanması və həyata keçirilməsi sahəsində fəaliyyətin əlaqələndirilməsinə xüsusi diqqət yetirilir. Buraya təhsil və maarif mövzularında teleradio verilişləri hazırlanıb efirə çıxarılması, birgə xeyriyyə layihələrinin həyata keçirilməsi və Orenburq vilayətindəki tarixi-mədəni irsin qorunub saxlanması da daxildir.
Hazırda Orenburq vilayətində 300 mindən çox müsəlman yaşayır. 2002-ci ildə əhalinin siyahıya alınmasının yekunları göstərir ki, vilayətin müsəlman əhalisinin sayı 1989-cu ildəkinə nisbətən 20-25 faiz artmışdır. Vilayətdə islamı təbliğ edən 134 təşkilat və 71 məscid var.
1838-ci ildə tikilən və hazırda Orenburqun rəmzinə çevrilən “Karvansara” kompleksi müsəlman ibadət ocaqları arasında xüsusi yer tutur. Bu nadir tarix-memarlıq ansamblı federal əhəmiyyətli tarix və mədəniyyət abidələri sırasına daxil edilmişdir.
Bölmənin digər xəbərləri
