Ötən ay OPEC-in sutkalıq neft hasilatı 25 milyon bareldən çox olub
Bakı, 16 may, AZƏRTAC
Aprel ayında Neft İxrac Edən Ölkələr Təşkilatının (OPEC) gündəlik xam neft istehsalı artıb.
AZƏRTAC xəbər verir ki, bu barədə OPEC-in aylıq hesabatında deyilir. Bildirilir ki, keçən ay OPEC üzrə neft istehsalı martla müqayisədə 30 min barel artaraq sutkada 25 milyon 80 min barel təşkil edib. OPEC-in dünya neft hasilatındakı payı isə 27 faiz olub.
Ötən ay kartel üzrə neft istehsalını ən çox artıran ölkə Nigeriya olub. Bu ölkənin gündəlik hasilatı əvvəlki aya görə 75 min barel artıb.
Ay ərzində OPEC-ə üzv ölkələrdən neft istehsalı ən çox Venesuelada azalıb. Belə ki, ölkədə sutkalıq hasilat 81 min barel geriləyib.
Apreldə dünyadakı qazma qurğularının sayı martla müqayisədə 43 ədəd azalaraq 1296 olub. Həmin qurğuların 354-ü OPEC-ə üzv ölkələrdədir.
Bölmənin digər xəbərləri
