ÖTƏN DƏRS İLİNİN YEKUNLARI VƏ QARŞIDA DURAN VƏZİFƏLƏR MÜZAKİRƏ EDİLMİŞDİR
Yasamal rayon müəllimlərinin 20 nömrəli məktəb–litseydə keçirilən konfransında təhsil şöbəsinin müdiri Vaqif Əmiraslanov ötən dərs ilində qazanılmış uğurlardan, növbəti tədris ilində qarşıda duran vəzifələrdən danışmışdır. Müəllimlərin əməyinin fərəhləndirici nəticələrindən bəhs edən natiq vurğulamışdır ki, bu il test imtahanında iştirak etmiş məzunlardan 912 nəfəri tələbə adını qazanmış, onlardan 16-sı isə 600-dən çox bal toplamışdır.
Konfransda təhsil islahatının uğurla həyata keçirilməsi üçün məktəblərin maddi-texniki bazasının möhkəmləndirilməsi, şagirdlərin intelektual səviyyəsinin yüksəldilməsi və digər məsələlər geniş müzakirə edilmişdir.
Şagirdlərin təlim-tərbiyəsində fərqlənən müəllimlərə mükafatlar verilmiş, respublika müəllimlərinin XII qurultayına nümayəndələr seçilmişdir.
Konfransda Azərbaycan Prezidenti Heydər Əliyevə müraciət qəbul olunmuşdur.
Bölmənin digər xəbərləri
