ÖTƏN İL GÖMRÜK ORQANLARI TƏRƏFİNDƏN 489 MİN LİTRDƏN ÇOX NEFT MƏHSULU TUTULMUŞDUR
Dövlət Gömrük Komitəsinin mətbuat xidmətindən AZƏRTAC-a verilən məlumata görə, ötən il gömrük orqanları tərəfindən cinayət və inzibati xəta faktları üzrə 489 min 487 litr neft məhsulu, 3 tona yaxın əlvan metal, 86,3 kiloqram balıq kürüsü, 2492 kiloqram balıq, 13 ədəd mədəni sərvət sayılan əşya, 300 kiloqram civə, 404 ədəd mobil telefon aparatı tutulmuşdur. Bundan əlavə, gömrük işçiləri 1 ədəd İspaniya istehsalı olan “Maqnum” tipli tapança və 7 güllə, 14 ədəd AK (Kalaşnikov avtomatı) gülləsi, 1 zirehli gödəkçə, 2 boş tapança darağı, 6 elektroşok və digər əşyalar aşkar etmişlər.
