ÖTƏN İL HEYVANDARLIQ DAHA SABİTİNKİŞAF ETMİŞDİR
Kənd Təsərrüfatı Nazirliyindən AZƏRTAC-a bildirmişlər ki, qaramal və qoyun-keçinin baş sayı 2004-cü ilə nisbətən ötən il müvafiq olaraq 1,8 və 1,9 faiz artaraq 2356,3 min və 7630,9 min başa çatmışdır. Təsərrüfatlar mal-qaranın sayının sabit saxlanmasına meyillidir və sürü dövriyyəsində kəsimə gedən heyvanların sayını səmərəli şəkildə tənzimləməyə çalışırlar. Bununla belə, 2005-ci ildə diri çəkidə ət istehsalı 262,8 min ton olmuş və əvvəlki ilin səviyyəsini 3,9 faiz üstələmişdir.
Hesabat ilində 1251,9 min ton süd, 874,6 milyon ədəd yumurta və 13,1 min ton yun istehsal edilmişdir. Quşçuluq fabriklərində yumurta istehsalı 8,4 faiz artaraq 291,1 milyona çatmışdır.
Bölmənin digər xəbərləri
