Belqrad, 3 fevral, AZƏRTAC

2022-ci ildə Serbiyaya səfər edən xarici turistlərin sayı 86 faiz artaraq 1 milyon 772 min 763 nəfər olub.

AZƏRTAC xəbər verir ki, il ərzində ölkəyə ən çox turist təxminən 148 min nəfər olmaqla Bosniya və Herseqovinadan gəlib. İkinci yerdə turist sayı 110 faiz artaraq 125 min nəfərə çatan Türkiyə, üçüncü sırada 123 min nəfərlə Rusiya qərarlaşıb. Təkcə dekabr ayında Serbiyaya 159 min 492 turist gəlib.

İllik müqayisədə yerli turistlərin sayı isə 32 faiz artaraq 3 milyon 869 min 235 nəfər təşkil edib.

Nihad Budaqov

AZƏRTAC-ın xüsusi müxbiri

Belqrad