Ötən il Türkiyənin təhlükəsizlik qüvvələri tərəfindən 2237 terrorçu zərərsizləşdirilib
İstanbul, 4 yanvar, AZƏRTAC
Türkiyənin təhlükəsizlik qüvvələri tərəfindən son bir həftədə 36 terrorçu zərərsizləşdirilib. Ötən il zərərsizləşdirilən terrorçu sayı isə 2237-ə çatıb.
AZƏRTAC xəbər verir ki, bu barədə Türkiyənin Milli Müdafiə Nazirliyinin həftəlik hesabatında bildirilib.
Məlumata əsasən, ötən il “Pəncə-Kilid” əməliyyatlarının keçirildiyi bölgədə 717 terrorçu zərərsizləşdirilib.
Son bir həftədə əməliyyat bölgələrinə terrorçular tərəfindən 30 hücum atəşi açılıb. Cavab əməliyyatlarında 27 terrorçu zərərsizləşdirilib.
Ötən il yanvarın 1-dən terrorçular tərəfindən Türk əsgərlərinə qarşı 526 təxribat törədilib ki, bunlara verilən cavablar nəticəsində zərərsizləşdirilən terrorçu sayı 1529 olub.
Məlumatda bildirilib ki, son bir həftədə qeyri-qanuni yollarla Türkiyəyə keçməyə cəhd edən 118 nəfər saxlanılıb, 2 min 113 nəfərin sərhədi keçməsinin qarşısı alınıb. 2023-cü ildə bu rəqəm ümumilikdə 13 min 758 təşkil edib.
Bölmənin digər xəbərləri
