Pakistan Ali Məhkəməsinin vəkili: İtkin düşmüş şəxslərin hüquqları bərpa olunmalı və qorunmalıdır
Bakı, 9 oktyabr, AZƏRTAC
Heç bir dövlət itkin düşmüş şəxslərlə bağlı humanitar çağırışı təkbaşına həll edə bilməz. Bizim gücümüz birlikdədir və sərhədləri aşaraq bu məsələni həll edə, itkin düşmüş şəxslərin şəxsiyyətini müəyyənləşdirə bilərik.
AZƏRTAC xəbər verir ki, bu fikirləri oktyabrın 9-da Bakıda “İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda keçirilən beynəlxalq konfransda Pakistan Ali Məhkəməsinin vəkili Məhəmməd Sohail Səcid səsləndirib.
Azərbaycanın da bu faciəni yaşadığını və öz təcrübəsi ilə nümunə olduğunu deyən Məhəmməd Sohail Səcid bildirib: “Bakı Dialoqu bu liderliyin gözəl nümunəsidir. Biz Azərbaycanın yanındayıq, bu missiyada həmrəyliyin və birliyin əhəmiyyətinin fərqindəyik. Biz müvafiq mexanizmlər çərçivəsində əməkdaşlığımızı və fəaliyyətimizi gücləndirməliyik. İtkin düşmüş şəxslərin hüquqları tam şəkildə bərpa olunmalı və qorunmalıdır. Biz konkret addımlar atmalıyıq, Məlumatları paylaşmaqla həqiqətə daha yaxın ola bilərik”.
Bölmənin digər xəbərləri
