PARİSİN MƏRKƏZİNDƏ BÖYÜK MEYİTXANA AÇILMIŞDIR
Meyitxananın açılması Fransa hökumətinin iyul-avqust aylarında ölkənin məruz qaldığı görünməmiş isti günlərlə əlaqədar həyata keçirdiyi fövqəladə tədbirlərdən biridir.
Rəsmi məlumatlara görə, bəzi yerlərdə Selsi cədvəli ilə 40 dərəcəyə çatan istilər nəticəsində son üç həftə ərzində 3 min adam həlak olmuşdur. Lakin son bir neçə gündə Fransa mətbuatı 5 mindən çox adamın həlak olduğunu açıq yazır. Mətbuatın verdiyi məlumatda qeyri-müəyyənlik onunla əlaqədardır ki, tənha ahıl adamların çoxu öz evində dünyasını dəyişmişdir və sanitar xidməti onların meyitlərini vaxtında aşkar edə bilmir. “Jurnal dü dimanş” həftəliyi yazır ki, son dərəcə isti günlərdə xilasedici briqadalar Parisdə evlərdən gündə 200-dək meyit çıxarırdılar.
Elə gərgin vəziyyət yaranmışdı ki, baş nazir Jan-Pyer Raffaren məzuniyyətini yarımçıq kəsməyə Matinyon sarayına qayıtmağa məcbur olmuşdur. Hazırda o, hökumətin vəziyyətin sabitləşdirilməsi ilə bağlı işinə şəxsən başçılıq edir.
Bölmənin digər xəbərləri
