PARLAMENT XƏBƏRLƏRİ
Milli Məclisin deputatları Gültəkin Hacıyeva və Rəfael Hüseynov Avropa Şurası Parlament Assambleyasının Hüquq məsələləri və insan hüquqları komitəsinin iclasında iştirak etmək üçün noyabrın 23-dən 30-dək Parisdə səfərdə olacaqdır.
İclasda insan hüquqları üzrə Avropa Konvensiyasının tətbiq olunmadığı ərazilərdə vəziyyət, milli azlıqların hüquqlarının qorunması, təşkilatda müşahidəçi kimi iştirak edən ölkələrdə ölüm cəzasının ləğvi məsələləri müzakirə olunacaqdır.
X X X
Milli Məclisin deputatları Asəf Hacıyev, Şaitdin Əliyev, Əli Əlirzayev, Məlahət Həsənova və Vəsadət Əzizov Qara Dəniz İqtisadi Əməkdaşlıq Təşkilatı Parlament Assambleyasının (QİƏT PA) növbəti iclasında iştirak etmək üçün noyabrın 24-dən 30-dək Afinada səfərdə olacaqlar.
İclasda Qara Dəniz regionunda əməkdaşlığın inkişafının maliyyə əsasları, işsizlərin sosial müdafiəsi, QİƏT PA ilə Avropa Parlamenti arasında əlaqələrin möhkəmləndirilməsi və digər məsələlər müzakirə ediləcəkdir.
Milli Məclisin
mətbuat xidməti
Bölmənin digər xəbərləri
