PARLAMENTDƏ MƏTBUAT ŞURASININ YARADILMASI MƏSƏLƏSİ BARƏDƏ TƏKLİF İRƏLİ SÜRÜLMÜŞDÜR
Deputat İbrahim İsayev Mətbuat Şurasının yaradılması məsələsini Milli Məclisin növbəti ümumi iclasının müzakirəsinə çıxarmaq barədə təkliflə çıxış etmişdir.
O, təklifini bununla əsaslandırmışdır ki, son zamanlar ölkəmizdə “muzdlu” jurnalistlərin və kütləvi informasiya vasitələrinin sayı xeyli artmışdır. Onlar ayrı-ayrı şəxslərin sifarişi ilə respublikanın körkəmli ictimai və siyasi xadimlərini nüfuzdan salmaqla məşğuldurlar. Deputat Redaktorlar Şurası deyilən qurumun da fəaliyyətini pisləmişdir. Bu Şura bəzi kütləvi informasiya vasitələrində qayda-qanun yaratmaq əvəzinə, jurnalistlərin hüquqlarının pozulması barədə beynəlxalq təşkilatlara məktublar göndərir. Bu ilin oktyabr-noyabr aylarında müxtəlif şəxslərdən məhkəmələrə böhtançılıqla məşğul olan bəzi kütləvi informasiya vasitələri barədə 14-ə yaxın iddia ərizəsi daxil olmuşdur. Onların arasında müxalifət nümayəndələrinin də ərizələri var.
Bölmənin digər xəbərləri
