PEŞƏ TƏHSİLİ MƏRKƏZİNDƏ İLK BURAXILIŞ
Dövlət Neft Şirkətindən (ARDNŞ) AZƏRTAC-a bildirmişlər ki, Heydər Əliyev adına Bakı Neft Emalı Zavodunun Peşə Təhsili Mərkəzində 6 ixtisas üzrə dərslər sona çatmış, ilk buraxılış olmuşdur. Gənclər texnoloji qurğuların təmiri çilingəri, texnoloji kompressorların maşinisti, texnoloji qurğuların operatoru, nəzarət ölçü cihazları və avtomatika çilingəri, elektrik avadanlıqlarının təmiri və xidməti üzrə elektrik montyoru, elektrik qaz qaynaqçısı ixtisasları üzrə zavodun müvafiq sexlərində istehsalat təcrübəsi keçdikdən sonra imtahan vermişlər. Zavodun təcrübəli mütəxəssislərindən və Azərbaycan Dövlət Neft Akademiyasının müəllimlərindən ibarət imtahan komissiyasının rəyinə əsasən, Təhsil Mərkəzini bitirmiş 63 gənc 1 illik tədris müddətində müvafiq peşələrə yüksək səviyyədə yiyələnmişlər və onlar istehsalatda peşəkar kadr kimi fəaliyyət göstərə bilərlər.
Mərkəzi bitirmiş şagirdlərə sertifikatlar verilmişdir.
Bölmənin digər xəbərləri
