Polis əməkdaşına xəsarət yetirərək məsuliyyətdən yayınmaq istəyən sürücü saxlanılıb
Bakı, 14 noyabr, AZƏRTAC
Polis əməkdaşına xəsarət yetirərək məsuliyyətdən yayınmaq istəyən sürücü saxlanılıb.
AZƏRTAC xəbər verir ki, bu barədə Bakı Şəhər Dövlət Yol Polisi İdarəsinin təbliğat üzrə inspektoru, polis leytenantı Rüstəm Əhmədli deyib.
O bildirib ki, polis əməkdaşına xəsarət yetirməklə, yayınmaq istəyən “Opel Astra” markalı, 99 NT 712 dövlət qeydiyyat nişanlı avtomobilin sürücüsü Məmmədov Şirxan Alik oğlu aşkarlanaraq saxlanılıb.
Saxlanılan zaman sürücünün psixotrop maddələrin təsiri altında nəqliyyat vasitəsini idarə etdiyi aşkarlanıb. Sürücünün verdiyi izahat və toplanmış sənədlər Nəsimi Rayon Məhkəməsinə təqdim edilib. Nəsimi rayonunda baş tutmuş məhkəmədə hakim tərəfindən sürücü Məmmədov Şirxan Alik oğlu iki ay inzibati həbs və bir il sürücülük hüququndan məhrum olunub.
Bölmənin digər xəbərləri
