Ekspert: Təəssüf ki, tərəqqi və müasir texnologiyalar ömrümüzü uzatmır
Bakı, 15 iyun, AZƏRTAC
Uzunömürlülük, adətən hesab etdiyimiz kimi, yalnız sağlam həyat tərzi ilə bağlı deyil. Əlbəttə ki, məşhur fəst fud şəbəkələrində tapdığınız sintetik qidaları daha az yemək daha yaxşıdır. Əslində, evdə yemək daha məqsədəuyğundur. Məsələn, mən hətta restoranlarda dadlı yeməkləri sevmirəm, yaxınlarım - həyat yoldaşım tərəfindən hazırlanan yeməklərə üstünlük verirəm. Çünki bir qadın sevdiyi insan, həyat yoldaşı, uşaqları üçün yemək bişirəndə yeməyə təkcə inqrediyentləri deyil, həm də münasibətini və sevgisini əlavə edir. Siz həmin yeməyi yeyəndə, ona sərf olunan enerjini də qəbul edirsiniz. Buna görə də bədən vacibdir. Lakin uzunömürlülük üçün həm də sağlam düşüncə tərzinə sahib olmaq da çox vacibdir. Əgər pis şeylər haqqında düşünürüksə, həddindən artıq qorxuruqsa, inciyiriksə - buna “əzab çəkirik” deyirik - bu, ömrümüzü qısaldır. Əbəs yerə deyilməyib ki, “Gülüş rişxənd edilməyən gərginlikdir”. Yəni, insan gülümsəyəndə, həyatdan, Allahın verdiyindən zövq alanda həyatı olduğu kimi qəbul edəndə, gərginliyi azalır və çox uzun müddət yaşayır.
Bunu AZƏRTAC-a açıqlamasında sağlamlıq və uzunömürlülük üzrə ekspert Lev İvanov deyib.
"Müqəddəs Kitabda yazılanlara görə, insanlar 800-900 il yaşayıblar. Hətta Böyük Pyotrdan əvvələ dair də qeydlər mövcuddur. Rəsmi olaraq qeydiyyata alınmış 300-400 il yaşayan insanlar var idi.
Təəssüf ki, tərəqqi və müasir texnologiyalar ömrümüzü uzatmır. Telefonlara, kompüterlərə və digər texnoloji möcüzələrə qərq olan həyat tərzimiz, əfsuslar olsun ki, ömrümüzü qısaldır. Çünki enerjimiz ya yanlış yerə gedir, ya da heç bir yerə getmir və biz özümüz ömrümüzü azaldırıq.
Bizdə əsas həyat tərzimiz “hisslərə uyğun” yaşamaq adlanır. Yəni, özünüz üzərinizdə işləməyə başladığınız zaman özünüzü hiss etməyə başlayırsınız. Beləliklə, yavaş-yavaş bədən canlanır və sonra artıq xəstələnmir. Yəni, ciddi şəkildə, təcrübə edənlər özlərini hiss etməyi, hisslərlə yaşamağı, günah etməməyi, inciməməyi, daha az qıcıqlanmağı, həyatdan zövq almağı öyrənirlər, heç bir insan tərəfindən yaradılan möcüzəyə ehtiyac duymurlar. Bizə dünya, Tanrı, Yaradan, hər şeyi verib. Sadəcə, bunu qəbul edərək uzun müddət, xoşbəxt yaşaya və sevinə bilərsən.
Məncə, insan tərəfindən yaradılan möcüzələr həyatı qısaldır. İnsanların yeni bir ürək implantasiyası etdirdikləri, lakin əvvəlki ürək ağrısına səbəb olan problemin qaldığı hallar var. Gərginlik qaldığı üçün həmin bədəndəki yeni ürək daha sonra fəaliyyət göstərməkdən imtina edir. Ürək dəyişdirildi, amma ağrıya səbəb olan amil qalır. Buna görə də xəstəliyin kök səbəbini aradan qaldırmalıyıq. Təbii ki, fiziki sağlamlıq və uzunömürlülük sadəcə bədənimizin əksidir. Bütün səbəblər insanın psixikasında, necə yaşadığında və necə reaksiya verdiyindədir. Buna görə də, yavaş-yavaş fərqli yaşamağı öyrənirik və sağlamlığımız öz-özünə yaxşılaşır", - deyə L.İvanov qeyd edib.
Bölmənin digər xəbərləri
