Politico: Brüssel Aİ-də malların vahid etiketlənməsini qurmaq niyyətindədir
Bakı, 21 may, AZƏRTAC
Avropa Komissiyası (AK) vahid bazarı gücləndirmək məqsədilə Avropa İttifaqında (Aİ) məhsulun vahid etiketlənməsinin yaradılmasına maneələri aradan qaldırmağı planlaşdırır.
AZƏRTAC xəbər verir ki, bu barədə Avropa Komissiyasının bu sahədə strategiya ilə bağlı sənəd layihəsini nəzərdən keçirən “Politico” qəzeti yazıb.
Layihəyə əsasən, Brüssel malların, o cümlədən ərzaq məhsullarının etiketlənməsini və qablaşdırılmasını “daha vahid” etmək niyyətindədir. Ölkələrdə ayrıca təyinatlı yeni məhsulların buraxılışında mövcud uyğunsuzluqlar istehsalçıları müxtəlif bazarlar üçün məhsulun fərqli versiyalarını hazırlamağa, sərhədləri keçərkən məhsulları yenidən etiketləməyə və ya hətta yenidən qablaşdırmağa məcbur edir.
Nəşrin məlumatına görə, AK bu maneələri tədricən aradan qaldırmaq istəyir. Həmçinin, Avropa bazarına çıxarılması üçün tələb olunan malların yoxlanılması prosesini sürətləndirmək məqsədilə şirkətlərin sənədlərinin rəqəmsallaşdırılmasına nail olunması nəzərdə tutulur.
Bölmənin digər xəbərləri
