POLŞA PREZİDENTİ BAŞ NAZİRİN İSTEFASINI QƏBUL ETMİŞDİR
K.Marçinkeviç istefaya çıxmaq niyyətini hakim “Qanun və ədalət” partiyasının aparıcı siyasətçiləri ilə görüşündən sonra bildirmişdir. Partiya rəhbərliyi elə həmin görüşdə yeni Baş nazir vəzifəsinə Prezidentin qardaşı Yaroslav Kaçinskinin namizədliyini irəli sürmüşdür.
Gözlənilir ki, Lex Kaçinski qardaşını bu yüksək dövlət vəzifəsinə dərhal təyin edəcəkdir.
Analitiklərin fikrincə, K.Marçinkeviçin istefaya getməsinin başlıca səbəbi Y.Kaçinski ilə onun arasında getdikcə dərinləşən münaqişədir. Rəsmi ehtimala görə isə, Marçinkeviç payızda keçiriləcək Polşa prezidenti seçkilərinə namizədliyini irəli sürəcəkdir.
Bölmənin digər xəbərləri
