Polşa Prezidenti yeni Baş nazirin adını açıqlayacaq
Bakı, 6 noyabr, AZƏRTAC
Oktyabrın 15-də keçirilən seçkilərdə hakim millətçilərin parlament çoxluğunu itirməsindən sonra bir neçə həftə davam edən qeyri-müəyyənliyin üstündən xətt çəkən Polşa Prezidenti Andjey Duda bu axşam yeni Baş nazirin adını xalqa açıqlayacaq.
AZƏRTAC Polşa KİV-ə istinadla xəbər verir ki, hakim Hüquq və Ədalət Partiyasının müttəfiqi olan Prezident Andjey Duda seçkilərdən əvvəl hökuməti qurmaq üçün ilk şansı ən böyük tək partiyaya verəcəyini söyləyib.
Hüquq və Ədalət Partiyası 460 yerlik aşağı palatada 194 yerlə birinci olub, lakin koalisiya tərəfdaşı tapmaq çətin deyil. Əvəzində, Avropa İttifaqı tərəfdarı olan müxalifət partiyalarının ittifaqı ümumi 248 mandat qazandıqdan sonra növbəti hökuməti qurmağa hazırlaşır.
Prezident dəftərxanasının rəhbəri Marçin Mastalerek deyib : "Məsləhətləşmələrdən sonra Prezident Andjey Duda hökumətin təyin edilməsi ilə bağlı qərar qəbul etdi. Qərar qətidir...", -
Aİ tərəfdarı olan üç qrup isə Vətəndaş Koalisiyasının lideri, Polşanın keçmiş Baş naziri və Avropa Şurasının keçmiş rəhbəri Donald Tuskun rəhbərlik etdiyi kabineti formalaşdırmağa hazır olduqlarını bildiriblər və Prezidenti onun təyinatını təxirə salmamağa çağırıblar.
Andjey Duda parlamentdə yer qazanan partiyalarla məsləhətləşmələrdən sonra bildirib ki, növbəti hökumətə başçılıq etmək üçün iki ciddi namizəd var - istefa verən baş nazir Mateuş Moravieçki və Donald Tusk.
Bölmənin digər xəbərləri
