Psixometriya üzrə elmi-metodiki seminar olmuşdur
Bakı, 30 oktyabr (AZƏRTAC). Psixometriya üzrə elmi-metodiki seminar olmuşdur.
Tələbə Qəbulu üzrə Dövlət Komissiyasından AZƏRTAC-a bildirmişlər ki, seminarda 2014-cü ildə magistraturaya qəbul imtahanı üçün məntiqi təfəkkürün yoxlanılması üzrə proqramın, “Magistr” jurnalında dərc olunacaq test tapşırıqları nümunələrinin və onlara dair veriləcək izahlı məlumatın müzakirəsi aparılmışdır.
Seminar iştirakçıları müvafiq proqram layihəsindəki “Verbal test tapşırıqları” və “Fiqurla bağlı test tapşırıqları” bölmələri üzrə öz təkliflərini söyləmişlər. Bəzi test tapşırıqlarının çıxarılması və ya yeniləri ilə əvəzlənməsi qərara alınmışdır.
Proqram layihəsi üçün təklif olunan əlavə və dəyişikliklərin müzakirəsi növbəti seminarda davam etdiriləcəkdir.
Noyabrın 1-də keçiriləcək seminarda qəbul proqramının “Məntiqi-riyazi test tapşırıqları” bölməsi müzakirə olunacaqdır.
Bölmənin digər xəbərləri
