Psixotrop tərkibli dərmanları qanunsuz satmaqda şübhəli bilinən şəxs saxlanılıb
Bakı, 31 yanvar, AZƏRTAC
Zaqatala Rayon Polis Şöbəsinə şəhər ərazisindəki apteklərin birində psixotrop tərkibli dərmanların qanunsuz satılması barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, təxirəsalınmaz əməliyyat-axtarış tədbirləri nəticəsində güclü təsiredici xüsusiyyətə malik “Diazepam” dərman preparatını qanunsuz olaraq satdığı üçün həmin aptekdə işləyən şəhər sakini X.İsmayılova polis əməkdaşları tərəfindən saxlanılıb.
Əməliyyat-axtarış tədbirləri zamanı aptekdən 437 ədəd və 4 ampula psixotrop dərman preparatları aşkarlanaraq götürülüb.
Faktla bağlı araşdırma aparılır.
Bölmənin digər xəbərləri
