QAÇQIN VƏ MƏCBURİ KÖÇKÜN ŞAGİRDLƏRPULSUZ DƏRSLİKLƏRLƏ TƏMİN OLUNACAQLAR
AZƏRTAC-ın müxbirinin xahişi ilə Təhsil Nazirliyinin mətbuat xidmətində həmin faktı şərh edərək demişlər ki, bu tədbir Azərbaycan Prezidentinin 20 fevral 2003-cü il tarixli Fərmanına uyğun olaraq, Nazirlər Kabinetinin 20 avqust 2003-cü il tarixli Sərəncamına əsasən həyata keçirilir. Nazirlik dərsliklərin tezliklə məktəblərə çatdırılması üçün bütün lazımi tədbirləri görür. Valideynlərdən xahiş olunur ki, 5-ci siniflərin bütün şagirdləri və 6-11-ci siniflərdə oxuyan qaçqın və məcburi köçkün uşaqlar üçün heç bir yerdən dərslik almasınlar. Onlara dərsliklər məktəblərdə pulsuz veriləcəkdir.
Pulsuz dərsliklərlə, ilk növbədə, çadır şəhərciklərində, vaqonlarda məskunlaşan, müstəqil qaçqın məktəblərində oxuyan uşaqlar təmin olunacaqlar. Qeyd edək ki, əvvəlki illərdə olduğu kimi, bu il də 1-4-cü sinif şagirdlərinə dərsliklər pulsuz veriləcəkdir. Artıq həmin dərsliklər məktəblərə çatdırılmışdır. Respublikanın dövlət ümumtəhsil məktəblərinin şagirdləri dərsliklə 100 faiz təmin olunacaqlar.
Təhsil Nazirliyi bildirir ki, 2002/2003-cü illərdə qaçqın ailələrdən dövlət ali və orta ixtisas təhsil müəssisələrinə ödənişli əsaslarla qəbul olunmuş tələbələr 2003�4-cü tədris ilindən təhsil haqqını ödəməkdən azad olunacaqlar.
Bölmənin digər xəbərləri
