“Qalatasaray”ın hücumçusu Hollandiya klubuna transfer olub
Bakı, 22 avqust, AZƏRTAC
İstanbulun “Qalatasaray” klubunun futbolçusu Kostas Mitroğlu karyerasını Hollandiya çempionatında davam etdirəcək.
AZƏRTAC Türkiyə klubunun saytına istinadla xəbər verir ki, Yunanıstan millisinin hücumçusu icarə əsasında “PSV Eyndhoven” komandasında çıxış edəcək. Hollandiya təmsilçisi K.Mitroğluya görə 1 milyon 250 min avro təzminat ödəyəcək. Lakin futbolçunun məvacibini “Qalatasaray” təmin edəcək. İstanbul klubu oyunçuya bir il üçün 1 milyon 950 min avro verəcək.
Qeyd edək ki, müqavilə ilə Fransanın “Marsel” klubuna məxsus olan 31 yaşlı hücumçu bu ilin əvvəlində “Qalatasaray”a icarəyə verilib.
Bölmənin digər xəbərləri
