QAQAUZİYANIN XÜSUSİ STATUSU İLƏ ƏLAQƏDAR MOLDOVA KONSTİTUSİYASINA DƏYİŞİKLİKLƏR EDİLƏCƏK
Moldovanın Konstitusiya Məhkəməsi ölkənin Əsəs Qanununu Qaqauz Yerinin (Qaqauziyanın) inzibati-ərazi bölgüsünün xüsusi hüquqi statusuna uyğunlaşdırılması barədə qanun layihəsini bəyənmişdir.
Bu vaxta qədər müxtariyyətin statusu Qaqauziyanın xüsusi statusu haqqında 1994-cü ilin dekabrında qəbul edilmiş qanunda öz əksini tapmışdı. Bundan əvvəl qəbul edilmiş Konstitusiyada isə yazılmışdır ki, “Dnestrin sol sahilindəki yaşayış məntəqələrinə, habelə Moldova Respublikasının cənubundakı bəzi yaşayış məntəqələrinə yerli orqanların qanunları ilə müəyyən edilmiş xüsusi statusa uyğun olaraq, muxtariyyətin xüsusi formaları və şərtləri verilə bilər”.
İndi Konstitusiyada Qaqauziyanın rəhbər orqanları, onun büdcəsinin və mülkiyyətinin formalaşması ilə bağlı düzəlişlər edilməlidir. Düzəlişlər Moldova müstəqil dövlət statusundan məhrum olduğu təqdirdə, Qaqauziya muxtariyyətinə öz müqəddəratını təyin etmək hüququ verən müddəanın daxil edilməsi nəzərdə tutulur.
İTAR-TASS-ın verdiyi xəbərə görə, bu dəyişikliklər Moldovada iqtidarda olan kommunist partiyası deputatları tərəfindən təklif olunmuş və digər deputatlar, habelə Qaqauziya rəhbərliyi hökuməti tərəfindən təqdir edilmişdir.
Bölmənin digər xəbərləri
