MƏDƏNİYYƏT
“QARLAR KRALİÇASI” VƏ... “SƏKKİZ SEVƏN QADIN”
Dövlət Gənc Tamaşaçılar Teatrının rus bölməsinin yaradıcı kollektivi Hans Kristian Andersonun “Qarlar kraliçası” və Rober Tomaninin “Səkkiz sevən qadın” əsərlərinin səhnələşdirilməsi üzərində hazırlıq işlərinə başlamışdır. Teatrdan AZƏRTAC-ın müxbirinə demişlər ki, baş rejissor Loğman Kərimovun quruluş verdiyi “Qarlar kraliçası” tamaşasında baş rolları Elmira Aslanova, Cavad Cabbarlı, İnna Limyarova, Nelli Həsənova və İradə Gözəlova ifa edəcəklər. Qeyd olunmuşdur ki, eyni quruluşda “Səkkiz sevən qadın” səhnə əsərində isə baş rolları Zoya Xarçenko, Ruslana Karavyeva, Nelli Həsənova, Lida Paveçina və başqaları oynayacaqlar. Hər iki tamaşanın premyerası sentyabr ayında keçiriləcəkdir.