QAZAXIN TƏHSİL MÜƏSSİSƏLƏRİ QIŞA HAZIRDIR
Qazax rayon təhsil şöbəsinin müdiri Mahir Quliyev AZƏRTAC-ın müxbirinə bildirmişdir ki, rayonda 34 orta, 6 əsas və 7 ibtidai məktəb, 5 məktəbdənkənar və 24 məktəbəqədər tərbiyə müəssisəsi fəaliyyət göstərir. Qış mövsümündə bu təhsil ocaqlarının istiliklə təminatında problem olmayacaqdır. Bu məqsədlə məktəb binalarının qızdırılması üçün ayrılmış yanacaq təhsil müəssisələrinə paylanmışdır.
Bundan əlavə, şəhər 2 nömrəli, Kəmərli, Cəfərli, Xanlıqlar, Aşağı Salahlı və Hüseynbəyli kənd məktəbləri istilik sistemləri ilə qızdırılacaq, 4 məktəbdənkənar və 4 məktəbəqədər tərbiyə müəssisəsinin qızdırılması üçün təbii qazdan istifadə olunacaqdır.
Digər təhsil ocaqları isə odun və duru yanacaqla qızdırılacaqdır.
Bölmənin digər xəbərləri
