QAZAXISTAN 17 MİN TON URAN FİLİZİ HASİL EDƏCƏKDİR

11.07.2006 [12:10]
Çap et
A⁺ A^-

AZƏRTAC xəbər verir ki, Qazaxıstan nüvə sənayesini fəal surətdə inkişaf etdirmək, uran yanacağı konversiyasını və uranın zənginləşdirilməsini təşkil etmək niyyətindədir. Bu barədə Qazaxıstanın Baş naziri Danial Axmetov Astanada jurnalistlərlə görüşündə bildirmişdir.

Hökumət başçısının sözlərinə görə, 2008-ci ilə qədər Qazaxıstan 17 min tondan artıq uran filizi hasil edəcək və bu xammal yalnız ixracat üçün deyil, həmçinin emal (zənginləşdirmə) və daxili bazarda istifadə üçün nəzərdə tutulacaqdır.

D.Axmetovun sözlərinə görə, nüvə texnologiyalarının inkişaf məsələləri tezliklə Kurçatov şəhərində yaradılacaq xüsusi mərkəzdə öyrəniləcəkdir.

Görüşdə qeyd olunmuşdur ki, digər proqramların inkişafı ilə yanaşı, nüvə sənayesinin inkişafı Qazaxıstana əsas məqsədinə çatmağa - dünyanın 50 rəqabət qabiliyyətli ölkəsi sırasına daxil olmağa imkan verəcəkdir.

QAZAXISTAN 17 MİN TON URAN FİLİZİ HASİL EDƏCƏKDİR

MÜƏLLİFLƏ ƏLAQƏ

Bölmənin digər xəbərləri