Qazaxıstan gələn il 86 milyon ton neft hasil etməyi planlaşdırır
Nur-Sultan, 25 avqust, AZƏRTAC
Qazaxıstan gələn il 86 milyon ton neft istehsal etmək niyyətindədir.
AZƏRTAC xəbər verir ki, 2021-2023-cü illər üçün büdcə layihəsində təqdim edildiyi kimi, 2021-ci ildə 86 milyon ton, 2022-ci ildə 89,6 milyon ton və 2023-cü ildə 100,8 milyon ton səviyyəsində neft hasilatı nəzərdə tutulub.
Təqdim olunan plana görə, Qazaxıstan neft hasilatını 2024-cü ildə 100 milyon tona, 2025-ci ildə 100,7 milyon tona çatdırmağı planlaşdırır.
Qazaxıstan Energetika Nazirliyinin məlumatına görə, cari il üçün ölkədə kondensat nəzərə alınmaqla neft hasilatı proqnozu 85,2 milyon tondur.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
