Qazaxıstan parlamenti Senatının yeni sədri seçilib
Nur-Sultan, 4 may, AZƏRTAC
Qazaxıstan Prezidenti Kasım-Jomart Tokayevin iştirakı ilə ölkə parlamenti Senatının (yuxarı palata) iclası keçirilib.
AZƏRTAC xəbər verir ki, gizli səsvermə yolu ilə Maulen Aşimbayev yekdilliklə parlament Senatının sədri seçilib.
Qeyd edək ki, bu gün dövlət başçısının Fərmanı ilə Maulen Aşimbayev Qazaxıstan Respublikası Parlamenti Senatının deputatı təyin edilib. Ölkə başçısının digər bir Fərmanı ilə Maulen Aşimbayev Qazaxıstan Prezidenti Administrasiyası rəhbərinin birinci müavini vəzifəsindən azad edilib.
Mərkəzi Seçki Komissiyası Maulen Aşimbayevi Qazaxıstan Parlamenti Senatının deputatı kimi qeydə almışdı.
Xatırladaq ki, mayın 2-də Qazaxıstan Prezidenti Kasım-Jomart Tokayevin Fərmanı ilə Nazarbayevanın Senatın deputatı postunda səlahiyyətlərini dayandırdı. Daha sonra ölkə başçısı göstərdiyi xidmətə görə parlamentin yuxarı Palatasının spikerinə minnətdarlığını bildirdi.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
