Qazaxıstanda bəzi çimərliklər açılıb
Nur-Sultan, 7 avqust, AZƏRTAC
Qazaxıstanın Akmola vilayətində daha çox ziyarətçisi ilə seçilən “Borovoy” və “Zerenda” turizm istirahət ərazilərində çimərliklər açılıb.
AZƏRTAC xəbər verir ki, bölgənin baş sanitar həkiminin müavini Serik Omarxanovun sözlərinə görə, yalnız xüsusi yoxlamadan sonra və epidemioloji sanitar qaydalara riayət etmək şərtilə çimərliklərin açılmasına icazə verilib. Çimərliklərə yalnız xüsusi göndərişi olanlar buraxılacaq.
Xatırladaq ki, Akmola vilayətinin turizm zonaları iyulun 24-dən bağlanmışdı. Bu, koronavirus infeksiyasına yoluxma hallarının artması və tətilə gələnlər arasında məsuliyyətin aşağı olması ilə əlaqədardır.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
