Qazaxıstanda referendumdan əvvəl “sükut günü” başlayıb
Astana, 5 oktyabr, AZƏRTAC
Bu gün, oktyabrın 5-də Qazaxıstanda atom elektrik stansiyasının tikintisi ilə bağlı referendumdan əvvəl “sükut günü” başlayıb.
AZƏRTAC xəbər verir ki, “sükut günü” və bilavasitə referendum keçirilərkən hər hansı təşviqat fəaliyyəti qadağandır.
Oktyabrın 6-da 10 mindən çox, o cümlədən xaricdə 70-dən çox seçki məntəqəsi səsvermə üçün açılacaq. Seçici siyahılarına 12 milyondan çox vətəndaşın adı daxil edilib.
Atom elektrik stansiyasının tikintisi ilə bağlı referendumu 30 ölkədən 177 beynəlxalq müşahidəçi izləyəcək.
Xatırladaq ki, sentyabrın 2-də Qazaxıstan Prezidenti Kasım-Jomart Tokayev xalqa müraciətində oktyabrın 6-da referendumun keçiriləcəyini bəyan etmişdi. Həmin gün səsvermə hüququ olan Qazaxıstan vətəndaşlarının yarıdan çoxu iştirak edərsə, referendum etibarlı sayılacaq.
AZƏRTAC-ın xüsusi müxbiri
Astana
Bölmənin digər xəbərləri
