Qazaxıstanda Xalqların Birlik Günü qeyd olunur
Nur-Sultan, 1 may, AZƏRTAC
Qazaxıstanda 1 may tarixi Xalqların Birlik Günü kimi qeyd olunur.
AZƏRTAC xəbər verir ki, bayram günü Qazaxıstanda yaşayan xalqların ənənələri ilə tanışlıq məqsədilə ölkənin bütün vilayətlərində və müxtəlif mədəniyyət mərkəzlərində bayram tədbirləri keçirilir.
Qazaxıstanda bu gün qeyri-iş günüdür. Bu bayramın qayəsini ölkədə mövcud olan 150-dən çox millətin və 4 fərqli dinin nümayəndələri təşkil edir.
Qeyd edək ki, ölkənin birinci Prezidenti Nursultan Nazarbayev 1996-cı ildə 1 mayı Qazaxıstan Xalqlarının Birlik Günü elan edilməsi barədə Sərəncam imzalayıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
