Qəbələ rayonunda dağlıq ərazidə baş verən yanğın söndürülüb
Bakı, 20 avqust, AZƏRTAC
Qəbələ rayonunun Solquca kəndi yaxınlığındakı mürəkkəb relyefli dağlıq ərazidə baş vermiş yanğın Fövqəladə Hallar Nazirliyi (FHN) tərəfindən görülmüş tədbirlər sayəsində avqustun 20-də günorta saatlarında söndürülüb.
FHN mətbuat xidmətindən AZƏRTAC-a bildiriblər ki, yanğın nəticəsində ilkin hesablamalara görə, təxminən 35 hektar ərazidə quru ot və kol-kos yanıb.
Yanğınla mübarizə tədbirlərinə nazirliyin Dövlət Yanğından Mühafizə Xidməti, Mülki müdafiə qoşunları və Şimal-qərb Regional Mərkəzinin müvafiq qüvvələri, Aviasiya dəstəsinin 2 helikopteri cəlb olunub. Yanğınsöndürmə işlərində Ekologiya və Təbii Sərvətlər Nazirliyinin əməkdaşları və bir qrup yerli sakin də iştirak edib.
Hazırda bəzi yerlərdə soyutma tədbirləri görülür.
Bölmənin digər xəbərləri
