QƏBƏLƏNİN NİC KƏNDİNDƏ “AFRİKA TAUNU” XƏSTƏLİYİNƏ QARŞI MÜBARİZƏ TƏDBİRLƏRİ DAVAM ETDİRİLİR

16.02.2008 [11:12]
Çap et
A⁺ A^-

Kənd Təsərrüfatı Nazirliyi yanında Dövlət Baytarlıq Xidmətindən AZƏRTAC-a bildirmişlər ki, Qəbələ rayonunun Nic kəndində tətbiq edilmiş karantin qüvvədədir.

Epizootiya Əleyhinə Fövqəladə Komissiyanın qərarı ilə fevralın 9-dan etibarən bu kənddə 4.700 başdan çox donuz məhv edilmişdir.

Xidmətin mütəxəssisləri fevralın 8-dən etibarən ölkənin bütün donuzçuluq təsərrüfatlarında monitorinq keçirirlər. Monitorinq zamanı götürülmüş qan nümunələri müayinə olunmaq üçün Respublika Baytarlıq Laboratoriyasına təqdim edilmişdir. Müayinə fevralın 18-də başlayacaq və nəticələr bir neçə gündən sonra açıqlanacaqdır.

“Afrika taunu” xəstəliyi nəzarət altındadır. Hələlik digər regionlarda bu xəstəlik müşahidə olunmamışdır. Ölkədə epizootik vəziyyət sabitdir.