Bakı, 19 oktyabr, AZƏRTAC

Cari il oktyabr ayının 1-nə dövlət qeydiyyatında olan kommersiya hüquqi şəxslərin 89,4 faizi məhdud məsuliyyətli cəmiyyət, 1,4 faizi səhmdar cəmiyyət, 1,2 faizi kooperativ və digər formalarda yaradılıb.

AZƏRTAC Dövlət Vergi Xidmətinə istinadla xəbər verir ki, həmin dövr qeydiyyatdan keçmiş kommersiya qurumlarından 76,1 faizi yerli investisiyalı, 23,9 faizi xarici investisiyalı qurumlardır.

Həmçinin fəaliyyəti aktivləşmiş (bərpa edilmiş) hüquqi şəxslərin sayı ötən ilin müvafiq dövrü ilə müqayisədə 22,6 faiz, fəaliyyəti aktivləşmiş ƏDV ödəyicilərinin sayı isə 16,9 faiz artıb.