QEYRİ-HÖKUMƏT EKOLOGİYA TƏŞKİLATLARI ABŞ UNİVERSİTETLƏRİNİN HESABATINA MÜNASİBƏTLƏRİNİ BİLDİRMİŞLƏR
Ekologiya və Təbii Sərvətlər Nazirliyində qeyri-hökumət ekoloji təşkilatları nümayəndələrinin iştirakı ilə müşavirə keçirilmişdir. Tədbirdə dünyanın bütün ölkələrinə dair 2006-cı il üçün ekoloji tövsiyələr və 2005-ci ildə ekoloji nailiyyətlər barədə Kolumbiya və Yel universitetlərinin birgə hesabatı müzakirə olunmuşdur. Hesabata görə, Azərbaycan 146 ölkə arasında 99-cu yeri tutmuş, ərazisinin 50 faizi meşə fondu sıfır faiz olan səhradan ibarət ölkələr siyahısına aid edilmişdir.
Görüşdə bildirilmişdir ki, hesabatın hazırlanması zamanı qüsurlara yol verilmiş, bu isə qeyri-dəqiq ekoloji informasiyanın yayılmasına səbəb olmuşdur.
Görüş iştirakçıları hesabatın müəlliflərinə ölkəmizdəki ekoloji vəziyyət haqqında geniş məlumat göndərilməsi barədə yekdil rəy söyləmişlər.
