Bakı, 21 oktyabr, AZƏRTAC

Bu ilin 9 ayında qeyri-neft-qaz sektorundan vergi daxilolmaları ötən ilin eyni dövrü ilə müqayisədə 1 milyard 515,3 milyon manat və ya 32,2 faiz artaraq 6 milyard 222 milyon manat olub.

AZƏRTAC xəbər verir ki, bu barədə iqtisadiyyat naziri Mikayıl Cabbarov deyib.

“Bu sektor üzrə artım 2021-ci ilin müvafiq dövrü ilə müqayisədə nəqliyyatda 139,1 faiz, ticarətdə 66,8 faiz, kənd təsərrüfatında 45,8 faiz, sənayedə 19,7 faiz, xidmətdə 17,1 faiz, tikintidə 16,8 faiz, bank və sığortada 14 faiz, rabitədə 6,7 faiz, digər sahələrdə isə 20,7 faiz təşkil edib”, - deyə nazir qeyd edib.