QİÇS AVRASİYA ÜÇÜN BÖYÜMƏKDƏ OLAN TƏHLÜKƏDİR

29.11.2003 [11:27]
Çap et
A⁺ A^-

Ümumdünya QİÇS-lə mübarizə günü münasibətilə ABŞ-ın ölkəmizdəki səfiri Rino Harniş öz fikirlərini bölüşərək bildirmişdir ki, bizim diqqətimiz qonşu ölkələrdə terror hücumları və hökumət dəyişikliyi barədə xəbərlərə yönəldiyi bir vaxtda HİV virusu dünyanın bütün qitələrində milyonlarla adamın həyatı üçün təhlükə yaratmaqdadır. 42 milyon adam artıq bu virusla yoluxmuşdur. Məqsədyönlü tədbirlər görülməzsə, 2010-cu ilədək Şərqi Avropa və Orta Asiyada daha 45 milyon adamı bu təhlükə gözləyir. Azərbaycanda 500 hal qeydə alınmışdır, lakin ətraflı araşdırmadan sonra digər ölkələrdə bu xəstəliyə yoluxmuş azərbaycanlılar barədə də əlavə faktlar aşkar etdik.

HİV/QİÇS təkcə dəhşətli humanitar məsələ deyil, həm də dövlətləri əhəmiyyətli insan ehtiyatından məhrum edir. Heç bir dövlət bundan sığortalanmayıbdır. Qlobal ticarət, xaricdə müvəqqəti iş və turizm bizi bir-birimizə bağlamışdır.

Diplomat vurğulamışdır ki, bu bəla ilə mübarizə ABŞ üçün milli təhlükəsizlik məsələsidir. Prezident Buş QİÇS-ə Yardım təcili planı üçün 15 milyard dollar ayrılmasını üzərinə götürmüşdür. BMT, DST vasitəsilə, eləcə də Avropa və Orta Asiya da daxil olmaqla, 75-dən artıq ölkə ilə ikitərəfli surətdə işləyirik ki, bu bəlanın qarşısının alınmasına, onun daha da yayılmamasına nail olaq.

Cənab Harniş bildirmişdir ki, ABŞ Azərbaycanda HİV/QİÇS probleminin qarşısının alınması üçün USAİD çərçivəsində müxtəlif proqramlar həyata keçirir. Bu proqramlar səhiyyə işçiləri üçün ixtisasartırma kurslarının təşkilini və Azərbaycanın müxtəlif icmaları arasında informasiya təbliğini nəzərdə tutur.

QİÇS AVRASİYA ÜÇÜN BÖYÜMƏKDƏ OLAN TƏHLÜKƏDİR

MÜƏLLİFLƏ ƏLAQƏ

Bölmənin digər xəbərləri