Qida təhlükəsizliyi haqqında qanunvericiliyin pozulmasına görə cərimələr artırılıb
Bakı, 27 dekabr, AZƏRTAC
Qida təhlükəsizliyi haqqında qanunvericiliyin pozulmasına görə cərimələrlə bağlı İnzibati Xətalar Məcəlləsinə dəyişiklik edilir.
AZƏRTAC xəbər verir ki, bu məsələ Milli Məclisin dekabrın 27-də keçirilən iclasının gündəliyində yer alıb.
Layihəyə əsasən, qida zənciri obyektlərinin təsdiq olunmadan qida sahəsində fəaliyyət göstərməsinə görə fiziki şəxslər iki yüz manatdan üç yüz manatadək məbləğdə, vəzifəli şəxslər səkkiz yüz manatdan min manatadək məbləğdə, hüquqi şəxslər iki min manatdan iki min beş yüz manatadək məbləğdə cərimə ediləcək.
Müzakirələrdən sonra qanun layihəsi üçüncü oxunuşda təsdiqlənib.
Bölmənin digər xəbərləri
