QIRĞIZISTANIN ABŞ-LA HƏRBİ-TEXNİKİ ƏMƏKDAŞLIĞI DİNAMİK İNKİŞAF EDİR

28.07.2004 [20:43]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Qırğızıstanın müdafiə naziri Essen Topoyev Bişkekdə mətbuat konfransında bildirmişdir ki, ABŞ-la hərbi-texniki əməkdaşlıq dinamik inkişaf edir. O demişdir: “2004-cü il üçün qarşılıqlı fəaliyyət planında nəzərdə tutulmuş bütün tədbirlər başa çatdırılmışdır və biz əminik ki, bu əməkdaşlıq bundan sonra da regionda mövcud vəziyyət nəzərə alınmaqla davam etdiriləcəkdir”.

Qırğızıstanın müdafiə naziri buraya üçgünlük rəsmi səfərə gəlmiş ABŞ Silahlı Qüvvələri Mərkəzi komandanlığının başçısı general Con Ebizeydlə danışıqlar aparmışdır. Topoyevin sözlərinə görə, Ebizeydin səfəri Mərkəzi Asiya regionu ölkələrinə planlı yoxlama xarakteri daşıyır.

Ebizeyd beynəlxalq antiterror koalisiyasının Bişkekin “Manas” hava limanındakı aviabazasına da gedəcəkdir.

“Manas”da ABŞ Hərbi Hava Qüvvələrinin 1,5 minə yaxın hərbi qulluqçusu yerləşdirilmişdir. Amerika hərbçilərinin sərəncamında bir neçə yanacaqdolduran təyyarə və Əfqanıstana humanitar yük, texnika və döyüş sursatı daşımaqla məşğul olan hərbi nəqliyyat təyyarəsi vardır.

QIRĞIZISTANIN ABŞ-LA HƏRBİ-TEXNİKİ ƏMƏKDAŞLIĞI DİNAMİK İNKİŞAF EDİR

MÜƏLLİFLƏ ƏLAQƏ

Bölmənin digər xəbərləri