QIZIL YATAQLARINDA KƏŞFİYYAT İŞLƏRİ BAŞA ÇATMIŞDIR
Naxçıvan Muxtar Respublikasındakı və Xanlar rayonundakı qızıl yataqlarında kəşfiyyat işləri başa çatmışdır. Ekologiya və təbii sərvətlər naziri Hüseynqulu Bağırov AZƏRTAC-ın müxbirinə bildirmişdir ki, bu yataqların ehtiyatı, müvafiq olaraq, 590 kq və 174 kq həcmində qiymətləndirilir.
Nazir demişdir ki, bu yaxınlarda Daşkəsən rayonu ərazisində aşkar olunmuş iri qızıl yatağının ehtiyatı, mütəxəssislərin ilkin hesablamalarına görə, 150 tondan artıqdır. Bu da ölkədəki bütün yataqların ehtiyatlarına bərabərdir. Həmin yatağın səmərəliliyinin geoloji göstəriciləri də yüksəkdir – bir ton filizə 70-100 qram qızıl düşür.
Bölmənin digər xəbərləri
