QMİ-nin sədr müavini: Azərbaycanda multikultural münasibətlər dünya müstəvisində ən üstün səviyyədədir
Bakı, 5 mart, AZƏRTAC
Azərbaycan gənc dövlət olsa da, addımları, gördüyü işlər böyükdür, dünyanın bir çox ölkələrinə nümunədir.
Bu sözləri AZƏRTAC-a müsahibəsində Qafqaz Müsəlmanları İdarəsi sədrinin müavini Fuad Nurullayev deyib.
F.Nurullayev qeyd edib ki, Azərbaycanda multikultural münasibətlər dünya müstəvisində ən üstün səviyyədədir. Bu gün bütün dünyada Azərbaycan barədə çox müsbət fikir formalaşıb. Bu, Azərbaycanın təkcə son illərdə qazandığı nailiyyətlər deyil, eyni zamanda, ulu öndər Heydər Əliyevin bünövrəsini qoyduğu siyasi xəttin uğurla davam və inkişaf etdirilməsinin nəticəsidir. Prezident İlham Əliyev dövlət və din münasibətlərini inkişaf etdirmək üçün yorulmadan səy göstərir. Son zamanlar yeni məscidlərin tikilməsi və ya mövcud olanların bərpası, dini icmalara maliyyə yardımlarının göstərilməsi dövlətimizin bu sahəyə xüsusi diqqət və qayğısının bariz nümunəsidir.
Bölmənin digər xəbərləri
