QONDARMA CƏNUBİ OSETİYA RESPUBLİKASINDA PREZİDENT SEÇKİLƏRİ KEÇİRİLMİŞDİR
Hər iki mərkəzi seçki komissiyasının ilkin məlumatına görə, seçkilər baş tutmuş, qondarma Cənubi Osetiya Respublikasında seçicilərin 98 faizi hazırkı prezident Eduard Kokoytıa səs vermiş, Cənubi Osetiyanın Şimali Osetiyaya birləşib, vahid Osetiya halında Rusiyanın tərkibinə daxil olması sualına referendumda iştirak edənlərin 99 faizi hə demişdir.
Alternativ seçkilərdə isə seçicilərin 88 faizi prezident vəzifəsinə Dmitri Sanakoyevin namizədliyini dəstəkləmiş, Cənubi Osetiyanın Gürcüstanın federal qurumu tərkibində muxtariyyətinə dair Gürcüstanla danışıqlara başlanmasına razısınızmı sualına isə seçicilərin 95 faizi hə cavabını vermişdir.
Gürcüstan rəsmiləri bu seçkiləri qeyri-qanuni saysalar da, hələlik heç bir şərh verilmir.
Xatırladaq ki, beynəlxalq təşkilatlar, habelə ABŞ hələ seçkilər ərəfəsində nə separatçı Cənubi Osetiyada, nə də “alternativ bölgədə” aparılacaq seçkiləri legitim hesab etməyəcəyini bildirmişdilər.
Bölmənin digər xəbərləri
