QORDON BRAUN BRİTANİYA AİLƏLƏRİNİ ƏRZAQ MƏHSULLARINI TULLAMAMAĞA ÇAĞIRMIŞDIR
AZƏRTAC xəbər verir ki, Böyük Britaniyanın Baş naziri Qordon Braun britaniyalıları ərzaq məhsullarını tullamamağa, eləcə də tələb olunandan artıq ərzaq almamağa çağırmışdır. Baş nazir bu yolla hökumətin milli ərzaq bazarında yaranmış vəziyyətlə bağlı iyulun 7-də Londonda dərc edilmiş məruzəsinə münasibətini bildirmişdir.
Məruzədə deyilir ki, hər il Britaniya ailələri müxtəlif səbəblərdən 4,1 milyon ton yararlı ərzaq məhsulu tullayır. Alınan, ancaq süfrəyə verilməyən ərzaq məhsullarının qiyməti 2 milyard dollara çatır.
Qordon Braun hazırda “böyük səkkizliyin” Yaponiyada keçirilən zirvə toplantısında iştirak edir. Görüşün gündəliyinə dünya ərzaq bazarında vəziyyətlə bağlı məsələ də daxil edilmişdir. Dünya bazarında ərzağın qiymətinin xeyli artması müşahidə olunur.
Bölmənin digər xəbərləri
