Qubada yeni səhiyyə ocaqları tikilir
Quba, 14 oktyabr (AZƏRTAC). Qubada regionların sosial-iqtisadi inkişafı Dövlət Proqramına uyğun olaraq yeni səhiyyə ocaqlarının - 8 həkim və 4 tibb məntəqəsinin tikintisi nəzərdə tutulmuşdur.
AZƏRTAC xəbər verir ki, rayonda ümumilikdə 21 həkim və 91 tibb məntəqəsi fəaliyyət göstərir. Dövlət Proqramı çərçivəsində köhnə məntəqələrin yeniləri ilə əvəz olunması və əsaslı təmir edilməsi nəzərdə tutulmuşdur.
Rayonun Qonaqkənd və Rustov kəndlərində tikilən yeni həkim məntəqələrinin tikintisi artıq başa çatmışdır. Min nəfərdən çox yerli sakinə xidmət edəcək Zərqova kəndində inşa olunan məntəqədə isə tamamlama işləri gedir. Həkim məntəqələrində müxtəlif ixtisaslı həkimlər (terapevt, stomatoloq) və mama ginekoloq fəaliyyət göstərəcəkdir.
Səhiyyə ocaqlarının gələn ilin ortalarınadək istifadəyə verilməsi nəzərdə tutulmuşdur.
Bölmənin digər xəbərləri
